Ponte de trabe
A pontes de viga, ponte de vigas, ponte de trabe ou ponte de trabes son as formas estruturais máis sinxelas para as luces das pontes apoiadas por un estribo ou un piar en cada extremo.[1][2] Non se transfiren momentos ao longo do soporte, polo que o seu tipo estrutural coñécese como simplemente apoiado.
Material
[editar | editar a fonte]As pontes deseñadas para infraestruturas modernas adoitan estar construídas de aceiro ou formigón armado, ou unha combinación de ambos. Os elementos de formigón poden ser armados, pretensados ou postesados. Tales pontes modernas poden incluír vigas de placas, vigas de caixa, e todo tipo de pontes de vigas.
Tipoloxías e estrutura
[editar | editar a fonte]A ponte de vigas máis sinxela pode ser un tronco (ponte de troncos), unha táboa de madeira ou unha lousa de pedra (ver pontella, pontillón ou ponte de batea) posta sobre un regato.
Os tipos de construción poderían incluír moitas vigas lado a lado cunha cuberta na parte superior delas, ata unha viga principal a cada lado que apoia unha cuberta entre elas. As vigas principais poden ser vigas en I, cerchas ou vigas de caixa. Poden ser a medias (half-through) ou arriostradas na parte superior para crear unha ponte de paso. Debido a que non se transfiren momentos, o pulo (como procedente dunha ponte de arco) non se pode acomodar, o que leva a deseños innovadores, como cerchas lenticulares e arcos tesados de corda, que conteñen as forzas horizontais dentro da superestrutura.
As pontes de vigas non se limitan a un único tramo. Algúns viadutos, como a ponte de Feiyunjiang na China, teñen varias luces simplemente apoiadas en piares. Isto oponse aos viadutos que utilizan vaos continuos sobre os piares.
As pontes de vigas adoitan usarse só para distancias relativamente curtas porque, a diferenza doutras pontes, non teñen apoios incorporados. Os únicos apoios son proporcionados por piares. Canto máis afastados sexan os seus soportes, máis débil se fai unha ponte de vigas. Como resultado, as pontes de vigas raramente abranguen máis de 80 metros (250 pés). Isto non significa que as pontes de vigas non se utilicen para atravesar grandes distancias; só significa que hai que unir unha serie de pontes de vigas, creando o que se coñece como luz ou van continuos.
Notas
[editar | editar a fonte]- ↑ "Beam bridge". History of bridges; www.historyofbridges.com (en inglés).
- ↑ "Dicionario Visual da Construción" (PDF). Macmillan Visual Dictionary - Versión en galego publicada polo COAG.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Ponte de trabe ![]() |